Isa sa mga hinahangaang mga bagong banda sa ngayon ay ang banda COLN.

Ang banda ay binubuo ng mga vlogger na sina Cong Velasquez (vocals), Awi Columna (vocals), Anthony Andrada (bassist), Nins Denso (drummer) and Gio Herrera Jr. (guitarist).

Si Cong ang pasiumuno umano sa pagbuo ng bandang ito at lahat naman daw sila ay pawang may background na sa pagbabanda. Kaya daw COLN ang pangalan ng banda ay dahil sa tunay ni pangalan ni Cong na “Lincoln” at hindi dahil sa “artists” sila.

Isa sa mga gustong tema ng COLN ay ‘yung “motivational rock songs.” Bukod sa bihira daw itong genre sa Pilipinas, ito ay paraan daw para mabawasan ang toxicity sa music. Masyado na raw kasing toxic ang habits ng mga kabataan lalo na sa social media.

Ilan din sa mga naging inspiration ng banda ay ang Rivermaya, Razorback, Kendrick Lamar, and Metallica.

Nang tinanong sila kung ano ang kaya nilang i-give up, kung ‘yung pagiging vlogger ba o ang pagbabanda, mas pipiliin umano ng grupo na hatiin ang oras at balansehin ito para sa banda at para sa vlogging.

Maaari niyong i-follow ang COLN sa kanilang mga social media accounts @colnofficial .